Gripi
Gripi (Influenza) është një infeksion i traktit të frymëmarrjes i shkaktuar nga një virus. Simptomat e tyre zakonisht janë më të rënda sesa i ftohti i zakonshëm, dhe me shumë gjasa prekin të tërë trupin. Zakonisht kohëzgjatja e tij është një deri në dy javë, por komplikacione të mundshme si pneumonia janë të mundshme, sidomos te njerëzit e moshës së tretë që kanë sëmundje kronike.
Shenjat dhe simptomat:
-Temperaturë e papritur
-Ethe
-Dhimbje koke
-Dhimbje muskujsh
-Lodhje
-Kollë jo-produktive
-Dhimbje fyti
-Tështima, rrjedhje hundësh
-Humbje oreksi
-Përzierje, të vjella ose diarre, sidomos te fëmijët
Shkaqe të mundshme
Gripi (Influenza) shkaktohet nga viruse që përhapen në ajër nëpërmjet tështimave dhe kollës. Disa shkaktojnë sëmundje të buta ose asgjë. Të tjerat mund të ndryshojnë formë papritur duke ndikuar në sistemet mbrojtëse të trupit. Njerëzit me më shumë gjasa për t’u prekur nga kjo gjendje, janë ata të cilët kanë probleme me funksionimin si duhet të sistemit imunitar ose që stili i jetesës ose në përditshmëri i vë në kontakt me njerëz të sëmurë. Meqë ka shumë lloje të virusit të influenzës dhe sepse ato ndryshojnë përgjatë kohës, një vaksinë e re ofrohet çdo vjeshtë.
Cfarë të prisni nga mjeku?
Praktikuesi i kujdesit shëndetësor me shumë mundësi do të diagnostikojë gjendjen nëpërmjet një ekzaminimi fizik dhe një përshkrim të simptomave. Ai me shumë mundësi do të marrë një kampion të lëndëve nga fyti për të identifikuar virusin, ose një rreze-x në kraharor, nëse ka mundësi që të jetë prekur nga komplikacione si pneumonia.
Opsione trajtimi konvencionale
Për të trajtuar gripin, doktorët zakonisht sugjerojnë pushim, shumë lëngje, dhe mjekime për simptomat. Mjekimet anti-virale për influenzën A janë të disponueshme, por funksionojnë vetëm nëse pacienti fillon t’i marrë brenda 48 orësh pasi është prekur nga gripi.
Terapitë e mjekimeve
Përshkrimi:
–Mjekimet anti-virale (Amantadina dhe Rimantadina): Për Influenza-n A, duhet të merret brenda 48 orësh, që në momentin që është prekur nga gripi.
-Antibiotikët: Nuk janë efektive ndaj virueseve që shkaktojnë gripin, por përdoren për të trajtuar pneumoninë bakteriale, një komplikacion i mundshëm.
–Vaksinimi i gripit: Një vaksinë inaktive (që përmban virusin e vrarë) jepet me anë të një gjilpëre, zakonisht në krahë.
Acetaminofina, ibuprofen, shtypës kolle, dekongjestantë: Për lehtësim të simptomave; mos iu jepni aspirinë fëmijëve nën 18 vjeç sepse rrezikohen nga një tjetër sëmundjeje që quhet sindroma Reye.
Terapitë alternative dhe plotësuese
Një kombinim i barnave herbale dhe ushqyerjes mund të jetë mjaft efektive për të lehtësuar simptomat dhe për të përshpejtuar procesin e shërimit. Baza e trajtimit është pushimi dhe shumë lëngje.
Ushqyerja
Nutrientët e mëposhtëm ndihmojnë në optimizimin e funksionimit të sistemit imunitar. Femrat që janë ose duan të bëhen me fëmijë në 3 muajt e ardhshëm, nuk duhet të marrin doza të mëdha të vitaminës A. Askush nuk duhet të marrë doza të larta të vitaminës A dhe zinku për më gjatë sesa dy-gjashtë javë.
-Vitamina C: 1000 mg, tre-katër herë në ditë
-Vitamina A: 25000 IU në ditë, ose beta-karoten 200000 IU në ditë
-Zink: 25-90 mg në ditë
Shmangni produktet e bulmetit. Ato rrisin dhe trashin mukusin. Lëngu i panxharit mund ta bëjë virusin e gripit inaktiv. Pini lëngje frutash të saposhtrydhura. Limitoni konsumin e sheqerit. Hudhra gjithashtu mund t’ju ndihmojë të mbani larg gripin duke ndaluar rritjen e bakteries “Staphylocoçus” dhe “Streptocoçus”. Shmangni ushqimet dhe pijet që vendosin vija shtesë në mëlçi. Mëlçia është përgjegjëse për detoksifikim efiçient të trupit. Ushqimet që duhen shmangur përfshijnë ato ushqime që përmbajnë kimikatë si ngjyrues apo konservues, dhe alkooli. Gjithashtu konsumi i sheqerit duhet të reduktohet pasi dobëson sistemin imunitar.
Barnat herbale
Barnat herbale mund të përdoren si ekstrakte të thara (kapsula, në trajtë pluhuri ose çajëra), glicerite (ekstrakte glicerine) ose tretësira (ekstrakte alkooli). Vetëm nëse udhëzohet ndryshe, çajërat duhet të përgatiten me 1 lugë çaji barnë herbale për një filxhan me ujë të ngrohtë. Ziejeni 5-10 minuta për gjethet dhe lulet dhe 10-20 minuta për rrënjët. Pini deri 2-4 filxhanë në ditë.
-Echinacea: Fuqizon sistemin imunitar
-Goldenseal: Modulim imun, anti-mikrobial,astrigjent
-Jamball: Anti-viral, anti-kolik, zbutës
-“Yarroë”-Anti-bakterial, astrigjent
-“Elder”: Redukton ënjtjen dhe irritimin
-“St.John’s Wort”: Anti-viral, lehtësues për dhimbjen
-Hudhër dhe çaji i xhinxherit: 2-3 thelpinj hudhër dhe 2-3 feta xhinxher të freskët (mban mushkëritë e pastra dhe sillet si anti-mikrobial). Mund të përdoret dhe si shtesë ndaj barnave të tjera herbale.
-Caji Katnip: Lehtëson temperaturën dhe shqetësimet me tretjen, ka efekt relaksues
-“Caynenne”: Shtohet te lëngu i freskët i portokallit ose në supëra për të lehtësuar bllokimet dhe për të rritur rrjedhjen e mukusit.
Vajëra esencialë
-Bergamot (Citrus Bergamia)-Një vaj esencial anti-septik që jo vetëm ndihmon në shkatërrimin e bakterieve që shkaktojnë infeksion, por gjithashtu forcon sistemin imunitar.
-Eukaliptus (Eucalyptus Globulus, E. radiate, E. citriodora)- Ndihmon në lehtësimin e bllokimeve në traktin respirator dhe vret bakteriet dhe mikrobet e tjera.
-Geranium (Pelargonium graveolens)-Anti-septik, anti-viral dhe anti-bakterial nëse përzihet me vajëra të tjera esencialë.
-Levanda (Lavendula officianalis, L.angustifolia)-Vaji universial i livandos që ka veti zbutëse, anti-inflamatore dhe anti-infeksion.
-Myrrh (Commiphora Myrrha)-Një vaj esencial anti-septik që është anti-fungal, anti-bakterial dhe lufton infeksionet respiratore.
-Mente (Mentha Piperita)-Pasuron ajrin përreth për të lehtësuar bllokimin e mushkërive dhe infeksionet respiratore dhe kur kombinohet me livandon, është mjaft e mirë kundrejt të ftohtit dhe gripit.
-Ravensara (Ravensara aromatic; Cinnamomum camphora)-Lufton të gjitha viruset, madje dhe herpesin dhe infeksione të tjera virale.
-Rozmarina (Rosmarinus Officinalis)-Një anti-septik mjaft i fortë, rozmarina gjithashtu është mjaft e dobishme për dëmtimet respiratore duke e bërë një zgjidhje logjike për influenzën.
-Pema e çajit (Melaleuca alternifolia)-E mrekullueshme kundrejt kërpudhave dhe bakterieve, pema e çajit është edhe efektive kundrejt infeksioneve virale dhe gjithashtu rrit shpejtesinë e përgjigjes së sistemit imunitar kundrejt infeksioneve.
-Trumza (Thymus Vulgaris)-Anti-septik i fortë, vaji esencial i trumzës mund të përdoret dhe për të luftuar gripin.
Homeopatia
Disa nga trajtimet më të zakonshme që përdoren për gripin janë të listuara më poshtë. Zakonisht doza është 12X deri në 30C çdo një-katër orë derisa simptomat të zhduken.
-Kombinimi i trajtimeve të Aconite, Gelsemium, Eukaliptus, Ipecacuanha, Fosfor, Brionia dhe Eupatorium perfoliatum (Oscil-locoçium) mund të jetë tejet efektive.
-Gelsemium: Për influenza-n që e lë pacientin e dobët dhe me probleme me kujtesën
-Eupatorium Perfoliatum: Për influenza-n që sjell dhimbje të mëdha, sidomos me kollë dhe tështimë.
-Vux vomica: Për influenza-n me të vjella të vazhdueshme dhe irritim.
Akupunktura
Mund të ndihmojë që ju të ndiheni më mirë dhe të përshpejtojë shërimin.
Në shumë raste, simptomat e gripit do të lehtësohen në 1-5 ditë, por ato mund të zgjasin deri në 2 javë. Vëmendja mjekësore rekomandohet nëse pacienti nuk ndihet më mirë brenda një jave, ose fillon të ketë vështirësi në frymëmarrje.