Nevojat dietike ndryshojnë nga personi në person në varësi të faktorëve të ndryshëm. Informacioni më poshtë është një përmbledhje e rregullave të përgjithshme që përdoren nga shumë njerëz. Duhet të merrni në konsideratë alergjitë ushqimore, stilin e jetesës, mosha, gjendja fizike si dhe influencime të tjera të rëndësishme kur beni ndryshime ne planin nutricional.
5 Parimet e kombinimit të ushqimeve
1. Konsumoni vetëm një frut: Në mëngjes konsumoni një mëngjes me fruta të freskëta. Kjo është një mënyrë e mirë për të filluar ditën, meqënëse fruti është një detoksifikues i fuqishëm. Ka përmbajtjen më të lartë të ujit dhe “udhëton” në trup me shpejtësi. Përpos të gjithë nutrientëve që përmban, fibrat në fruta sillen si furçë që zorrët të jenë të pastra. Fibrat e tretshme në fruta gjithashtu ndihmojnë në uljen e kolesterolit në gjak.
*Fakte interesante: 100 vjet më parë, shfaqja e kancerit ishte 1 në 500, ndërsa në ditët e sotshme është pothuajse 1 në 2.
Fruti është një ushqim tejet i thjeshtë. Përmban sheqerna që janë gati që trupi t’i përdorë dhe t’i sigurojë enzimat e tij, kështu që nuk kërkon shumë kohë që të tretet në stomak. Trupi punon shumë që kalojë frutin jashtë stomakut sa më shpejt të jetë e mundur, që nutrientët të absorbohen në mënyrë të shpejtë nëpërmjet zorrëve dhe zorrës së trashë. Kjo është arsyeja pse frutat duhet të kombinohen me ushqime të tjera dhe nuk duhet të konsumohen për disa orë pasi keni ngrënë proteina apo karbohidrate. Nëse keni një frut krahas vaktit tuaj, sheqeri në frut do të fermentohet në stomak, duke shkaktuar fryrje dhe gazra. Shumë njerëz besojnë që të konsumoni një frut për ëmbëlsirë është një zgjedhje e shëndetshme, por në fakt mbahet në stomak nga ushqime të tjera, duke shkaktuar fermentim.
Pasi keni ngrënë frutin, duroni të paktën 1-2 orë për të konsumuar një ushqim tjetër. Mëngjesi është koha më e mirë për të ngrënë një frut, sepse atëherë ju mund të jeni të sigurt për ushqimet që keni tretur. Këshillohet qe njerëzit të konsumojnë një mëngjes “zemër” që konsiston në ushqime nga të gjitha grupet ushqimore. Trupi ynë në fakt nuk ka nevojë për aq shumë ushqim në mëngjes, sepse ai akoma po përdor lëndët ushqyese nga ushqimi që keni tretur mbrëmjen e kaluar.
2. Mos kombinoni proteinën me niseshtenë
Ushqimet proteinike dhe të niseshtesë kërkojnë lëngje të ndryshme tretëse në mënyrë që të copëzohen apo të përdoren si duhet nga trupi. Tretja e niseshtesë fillon në gojë me enzimën ptialinë, e cila gjendet në pështymë. Proteinat thyhen kryesisht në stomak nga acidi klorhidrik dhe enzima që “përthith proteinën” pepsinë. Këshillohet që të shmangni darkën tradicionale amerikane me mish dhe patate, si dhe sanduiçët që përmbajnë djathë, mish, vezë ose proteina të tjera. Kur mendoni sa rregullisht i konsumoni këto kombinime, nuk është çudi pse shumë prej jush vuajnë nga problemet tretëse.
Kur proteinat dhe niseshteja konsumohen së bashku, ptialina nuk prodhohet në mënyrë efektive në pështymë, kështu që niseshteja nuk para-tretet në gojë. Futet në stomak dhe fillon të fermentohet, duke prodhuar gazra. Madje akoma dhe më keq, proteina duhet të tretet në një mjedis acidik dhe niseshteja në një mjedis alkalin. Kështu që kur proteinat dhe niseshteja kombinohen, acidi dhe lëngjet tretëse alkaline neutralizojnë njëra-tjetrën. Gjithë ky ushqim shkatërrues mbahet në stomak, duke shkaktuar gazra dhe parehati. Më e rëndësishmja, lëndët ushqyese që ju duhen për furnizim dhe shumëfishim të qelizave, shkatërrohen gjatë procesit të fermentimit. Cikli dietik mund të çojë eventualisht në plakje të parakohshme dhe sëmundje.
Kur flasim për ushqimet proteinike, kryesisht u referohemi proteinave shtazore. Disa nga ushqimet si fasulet, përmbajnë kombinime natyrale të niseshtesë dhe proteinave. Nëse këto ushqime konsumohen veçmas, trupi është i aftë t’i tresë ato duke lëshuar lëngje tretëse në sasi të duhura. Por përsëri, disa njerëz mund të kenë parehati teksa i konsumojnë.
3. Konsumoni proteinat vetëm ose me perime.
Perimet kanë përmbajtje të lartë uji dhe janë relativisht më të lehta për t’u tretur. Ato mund të thyhen/copëzohen qoftë në mjedis acidik ose alkalin. Megjithatë ato mund të kombinohen me proteina si dhe me niseshte. Enzimat në perime mund të përmirësojnë tretjen e proteinave. Fibrat që gjenden në perime ndihmojnë në lëvizjen e ushqimeve proteinike pa fibra, lehtësisht përgjatë zorrëve.
4.Nëse ju konsumoni niseshte, konsumojini vetëm ose me perime.
Meqë perimet nuk kërkojnë lëngje specifike tretëse, ato mund të treten në mjedise alkaline.
5. Mos pini krahas vakteve
Nëse pini ujë, çaj ose pije të tjera krahas vakteve tuaja, ju në mënyrë efektive do të holloni lëngjet tretëse që nevojiten për të copëzuar ushqimin, duke e parandaluar që ai të tretet si duhet. Koha më e mirë për të pirë lëngje është ndërmjet vakteve-të paktën gjysëm ore përpara ose pas ngrënies. Nëse ju ngjan tejet e ndërlikuar, le ta themi në terma të thjeshta: Në vend se të konsumoni mish dhe patate, konsumoni mish me sallatë ose disa perime të ziera. Pataten mund ta konsumoni edhe në formën e një supe pa mish. Konsumoni fruta vetëm në mëngjes. Nëse pëlqeni makaronat, akoma dhe më mirë! Konsumoni makarona me perime ose me një salcë perimesh.
Konsumoni vetëm drithëra të plota
Drithërat e plota ose drithërat që pësojnë një përpunim minimal, janë burime të mira fibrash. Fibrat jo vetëm që ndihmojnë në mbajtjen të shëndetshëm të traktit tretës, por edhe ndihmojnë në reduktimin e niveleve të kolesterolit në gjak. Drithërat e plota janë burime të shkëlqyera të folatit, vitaminave B, magnezit, hekurit, zinkut, kromit, selenit, fosforit dhe vitaminës E. Folati ndihmon në reduktimin e niveleve të aminoacidit të homocisteinës në gjak. Nivelet e larta të homocisteinës në gjak lidhen më një rritje të shfaqjes së sëmundjeve të zemrës, edhe kur nivelet e kolesterolit janë brenda normave normale.
Për shkak se ato kanë përmbajtje të ulët yndyre-kryesisht të pangopura-drithërat e plota mbrojnë sistemin kardiovaskular. Të gjitha drithërat e plota janë burime të shkëlqyera të karbohidrateve komplekse, dhe shumë prej tyre janë burime të mira të proteinave bimore.
Provoni disa ide të reja dhe të shëndetshme. Ju do të keni benefite nutricionale nga fibrat, vitaminat dhe përmbajtja minerale, si dhe shija do të jetë komplet tjetër.
1.Eksperimentoni me farat amaranth. Amaranth është një burim i shkëlqyer i proteinave, kalciumit, fibrave, hekurit, kaliumit dhe vitaminës A dhe C. Farat mund të përdoren të plota, të pjekura etj si dhe të përdorura në shumë gatime si makarona etj.
2. Mel (Millet) Është i pasur me minerale, ka flour, magnez, kalium, fosfor, squfur, silic dhe hekur. Për shkak se është një nga drithërat pa gluten, preferohet shumë nga personat që kanë probleme me
glutenin.
3. Quinoa është vendase në Amerikën Jugore, si dhe konsiderohej e shenjtë nga Indianët Inca. Ka përmbajtje të lartë proteinash në krahasim nga shumë lloje të tjera drithërash të plota si dhe përmban sasi të larta të hekurit dhe magnezit. Shpesh zvëndëson në receta orizin.