Përgjatë viteve, shumë prej nesh e mendonin një pjatë të shëndetshme me shumë mish në qendër dhe me pak sallatë ose perime anash. Por në vitet e fundit, nutricionistët kanë dhënë këndvështrimin e tyre. Në 2011, “U.S Departament of Agriculture (USDA) prezantoi “Pjata ime”-një prezantim grafik i darkës ideale lëvizte proteinat anash pjatës dhe i dha një rol më të madh perimeve, frutave dhe drithërave.
Megjithatë ishte tejmase e thjeshtë për të qenë e dobishme për shumë njerëz. Për të rregulluar këtë situatë, ekspertët e nutricionit në Harvard zhvilluan “Pjatën e shëndetit të Harvard”. Si pjata e USDA-së, duhej të ishte e thjeshtë dhe një mjet informative për t’ju ndihmuar të kuptoni se si të bëni zgjedhje të shëndetshme dhe të konsumoni një dietë të balancuar. Por shton në mënyrë më të detajuar, rekomandime me bazë shkencore ndaj versionit të USDA-së.
‘Pjata e ushqyerjes së shëndetshme” ju jep disa të dhëna bazike në zgjedhjet ushqimore dhe ju tregon më shumë në lidhje me porcionet e ushqimit që duhet të jenë në pjatën tuaj. Sigurisht jo çdo vakt do të duket si në pjatën e ushqyerjes së shëndetshme (shumë prej nesh nuk i hanë perimet në mëngjes), por vaktet e juaja gjatë ritmit të ditës mund të shtojnë këtë synim. Ja çfarë duhet të përmbajë pjata: -Gjysma e pjatës përmban fruta dhe perime.
Shumë prej amerikanëve nuk marrin mjaftueshëm perime, kështu që mund të synoni për një shumëllojshmëri perimesh (lloj dhe ngjyrë të ndryshme). Për këto qëllime, patatet dhe patatet e skuqura nuk “llogariten” si perime. -Një çerek pjate është drithëra të plota-jo çdo lloj drithi si te versioni i USDA-së. Duke zgjedhur drithërat e plota në vend të drithërave të rafinuara mund t’ju ndihmojë të ndikoni në oreks, të ulni rrezikun për diabet dhe të ulni nivelet e kolesterolit të keq.
-Cereku tjetër përfshin burimet e shëndetshme të proteinës, si peshku, fasulet, arrat, farat dhe vezët.
Mishrat me yndyrë të lartë dhe mishrat e përpunuar nuk kanë vend këtu.
-Mbani mend që duhet të përdorni vajëra të shëndetshëm si vaji i ullirit dhe kanola, në gatim, në sallata dhe në tavolinë. Limitoni gjalpin, dhe shmangni acidet trans yndyrore të pashëndetshme, që zakonisht quhen yndyrnat trans (një yndyrnë më së shumti e përpunuar që lidhet me rritjen e rrezikut për sëmundjen e zemrës.)
-Mbani mend që duhet të pini lëngje me pak kalori ose pa kalori si uji, kafeja dhe çaji; limitoni qumështin dhe lëngjet dhe shmangni pijet me sheqer.
-Qëndroni aktivë për shëndet të mirë dhe kontroll të mirë të peshës. Njerëzit të cilët hanë sipas këtyre udhëzimeve reduktojnë rrezikun për shfaqjen e shumë sëmundjeve kronike që mund të shkurtojnë jetën dhe të ndikojnë në cilësinë e jetës. Studimet që kanë ndjekur dietat e 100,000 profesionistëve të shëndetit , për shembull, meshkujt të cilat kishin dieta të përafërta me këto udhëzime ulën rrezikun e përgjithshëm për këto sëmundje me 20% përgjatë 8-12 viteve, krahasuar me ata meshkuj dietat e të cilëve kishin ngjashmëri tejet të ulët me rekomandimet e ushqyerjes së shëndetshme.
Femrat në studim të cilat ndoqën udhëzimet ulën rrezikun e përgjithshëm me 11% krahasuar me ato të cilat kishin ngjashmëri të ulëta me rekomandimet. Fitorja më e madhe ishte te sëmundjet kardiovaskulare. Të dyja grupet si meshkujt dhe femrat të cilat ndoqën me shumë përpikmëri udhëzimet reduktuan rrezikun për shfaqjen e sëmundjeve kardiovaskulare me 1/3 ose më shumë, madje dhe njerëzit të cilët merrnin mjekime për kolesterolin e lartë dhe presionin e lartë të gjakut kishin benefite.
Studimet e nutricionistëve mendojnë që me informacionet e reja që do të dalin me kalimin e kohës, “Pjata e ushqyerjes së shëndetshme” do të ndryshojë për të reflektuar provat e reja të rëndësishme. Modele të tjera të udhëzimeve të bazuara në shkencë mund të gjehen fare lehtë.
