Të konsumoni sasi të larta kripe mund të shkaktojë që trupi juaj të mbajë lëngjet, si pasojë vjen dhe rritja e presionit të gjakut. Nëse keni presion të lartë gjaku, është më mirë të hani ushqime që kanë përmbajtje të ulët të yndyrnave të ngopura, yndyrnave trans, kolesterolit, kripës dhe sheqernave.
Kjo sigurisht është një këshillë e mirë për të gjithë, pavarësisht niveleve të presionit të gjakut. Kripa dhe presioni i lartë i gjakut – Nëse keni presion të lartë gjaku, doktori do t’ju rekomandojë të limitoni kripën sa më shumë të mundeni, dhe të mos hani më shumë se 1 lugë çaji në ditë. Një tjetër rregull sipas “American Heart Association” është të konsumoni 1500 miligramë kripë në ditë, nëse keni hipertension, diabet, ose sëmundje kronike të veshkave ose nëse jeni mbi 51 vjeç.
Njerëzit e shëndetshëm mund të synojnë për 2300 miligramë në ditë ose më pak. Për të qëndruar në rrugën e duhur, zgjidhni ushqime me kripë të ulët dhe lexoni faktet e lëndëve ushqyese në etiketë për të përcaktuar përmbajtjen e kripës në ushqimet e paketuara dhe të procesuara.
Merrni mjaftueshëm kalium – Meqë kaliumi ndihmon në balancimin e sasië së kripës në qelizat tuaj, të mos merrni sasinë e mjaftueshme të tij, mund të çojë në rritjen e sasisë së kripës në gjakun tuaj. Të merrni mjaftueshëm kalium ndihmon në parandalimin dhe kontrollin ndaj presionit të lartë të gjakut.
Limitoni konsumin e alkoolit – Alkooli mund të rrisë presionin tuaj të gjakut, edhe nëse nuk keni hipertension, kështu që të gjithë duhet të monitorojnë konsumimin e alkoolit. Femra të shëndetshme të të gjitha moshave dhe meshkuj më të vjetër se 65 vjeç duhet të konsumojnë vetëm një pije në ditë, ndërkohë që meshkujt 65 vjeç e më të rinj duhet të konsumojnë dy pije në ditë e pak më shumë.
Dieta DASH – Në momentin që diagnostikoheni me presion të lartë gjaku, doktori juaj mund t’ju rekomandojë DASH (Qasjet dietike për të ndaluar hipertensionin), një plan ushqimor që fokusohet në ushqimet e shëndetshme për zemrën që kanë përmbajtje të ulët yndyrore, kolesteroli dhe kripe si dhe janë të pasura me lëndë ushqyese, proteina dhe fibra.
Ushqimet mund të përfshijnë: Fruta. Perime. Drithëra të plota. Produkte me bulmet me yndyrë të ulët. Peshk. Arra. DASH limiton ushqimet e mëposhtme: Mish i kuq (përfshirë dhe pjesën e butë). Embëlsira. Sheqerna të shtuara. Pije që përmbajnë sheqer.
Ndërkohë që doktori juaj ju ndihmon të përshtasni dietën DASH me nevojat tuaja, pjesa e mëposhtme është shembull i porcioneve të rekomanduara nga secili grup ushqimor për dietën e gjithkujt që po konsumon 2000 kalori në ditë.
6 deri në 8 porcione në ditë me drithëra, 4 deri në 5 porcione në ditë me perime, 4 deri në 5 porcione në ditë fruta, 2 deri në 3 porcione në ditë bulmet, 6 ose më pak porcione në ditë mish të butë dhe peshk, 4 deri në 5 porcione në ditë arra, fara dhe agrume, 2 deri në 3 porcione në ditë yndyrna dhe vajëra, 5 ose më pak porcione në javë.
Po përsa i përket dietës mesdhetare? Karakteristika të përbashkëta të dietës mesdhetare përfshijnë: Konsumim të lartë të frutave, perimeve, bukës dhe drithërave. Vaji i ullirit si burim i yndyrnave të mono-të pangopura Produkte bulmeti, peshku konsumohen në sasi të ulëta e deri në të moderuara. Konsumohet pak mish i kuq.
-Vezët konsumohen deri në 4 herë në javë. Vera konsumohet në sasi të ulëta e deri në të moderuara. Ndërkohë që mund të keni dëgjuar për të gjitha benefitet shëndetësore që thuhen për dietën mesdhetare, “American Heart Association” thotë që përpara se të rekomandohet kjo dietë, studime të tjera duhen bërë për të përcaktuar nëse vetëm dieta është arsyeja e shifrave të ulëta të sëmundjeve të zemrës në vendet mesdhetare, apo faktorë të tjerë të stilit të jetesës si aktiviteti fizik apo suporti social kontribuojnë.