Dieta antistres

Dieta antistres



Një dietë e shëndetshme është ilaçi i duhur për të përballuar ankthin dhe stresin përpara provimeve. Rrugë të lirë në tavolinë për pjatat me bazë makaronat, orizin, fruta, perime dhe vezë të ziera. Bëni kujdes! Këshillohet sa më pak kafe, që tradicionalisht shoqëron netët përpara provimeve. Kjo është kjo një dietë antistres për të gjithë studentët përpara provimeve, të cilët vuajnë nga ankthi dhe pagjumësia. Kjo dietë të ndihmon të përballosh këtë situatë tensioni. Nuk duhet të mungojë buka, makaronat, apo orizi, sallatrat jeshile, qepa, djathi i freskët, kosi, vezët e ziera, qumështi i ngrohtë, që ul aciditetin gastrik, frutat e ëmbla dhe të zhytura në mjaltë, që favorizojnë gjumin dhe ndihmojnë organizmin të lehtësohet, për të përballuar me energjinë e duhur dhe përqëndrim, sfidën shkollore.

Këto ushqime kanë në përbërje një aminoacid që ndihmon në sintezën e serotoninës, neuronit të mirëqënies dhe neurotrasmetuesit cerebral që nxit shlodhjen. Serotinina rritet nën konsumin e ushqimeve që kanë në përbërje sheqerna të thjeshta, siç janë frutat e stinës.

Mes perimeve vendin e parë e zë sallata jeshile e shoqëruar nga qepa dhe hudhrat.

Ndërsa pagjumësia provokohet nga kafeja, patatinat me qese e çokollatat, që janë shpesh të pranishme gjatë këtyre ditë-netëve.

Është e nevojshme që të shplodhesh mjaftueshëm, duke bërë kujdes me të ngrënët, duke eleminuar ushqimiet e rënda dhe me përmbajtje eksituese. Duhet eleminuar kafeja, çaji, kakaoja, për shkak të kafeinës, por edhe pijet alkoolike, që shkaktojnë gjumë të keq dhe me zgjim të vështirë.

Gjithashtu jashtë liste mbeten ushqimet pikante, me erëza, piper të kuq, apo kripë me bollëk. Madje edhe ushqimet e konservuara duhen mbajtur larg.

© PHD ANILA KALLESHI – DIETOLOGE KLINIKE

error: Nuk lejohet kopjimi!