Për tifozët e kafesë, ndryshimi i stinëve shpesh sjell gjithashtu një ndryshim në zakonet e konsumimit të kafesë. Ditët bëhen më të shkurtra dhe gota e kafesë shtohet gjatë stinës së ftohtë, por dëshira për t’a gjerbur atë të ngrohte, është edhe më e pranueshme. Të dy versionet e kafesë, si ajo e ngrohtë apo e ftohtë ofrojnë kafeinën e nevojshme, por një studim i ri sugjeron që kafeja duhet të konsumohet e nxehtë e këtë e konfirmon departamenti i shëndetësisë.
Hulumtuesit nga Thomas Jefferson University në Filadelfia krahasuan aciditetin dhe aktivitetin antioksidues të kafesë të nxehtë dhe të ftohtë. Lajmi i mirë për kafe të nxehtë? Ajo tregoi nivele më të larta të aktivitetit antioksidues. Sa për t’ju kujtuar, antioksidantët mendohet të përfshihen në disa nga përfitimet e famshme shëndetësore të kafesë, duke përfshirë një rrezik më të ulët të sëmundjeve të zemrës, diabetit dhe vdekjes së hershme.
“Ne kemi gjetur se kafeja e nxehtë ka më shumë kapacitete antioksiduese”, tha Megan Fuller, profesor i kimisë në universitetin shtetëro të Jeffersonit. Megjithatë, Fuller dhe bashkëautorja e tij, Niny Rao, profesoreshë e kimisë gjithashtu, shkruan në artikullin e tyre: “Hulumtime shtesë nevojiten për të kuptuar plotësisht çdo ndryshim të mundshëm në efektet shëndetësore të kafesë në funksion të temperaturës dhe kohës”.
Fuller dhe Rao gjithashtu gjetën se aciditeti i kafesë të nxehtë dhe të ftohtë ishin shumë të ngjashme. Historikisht,kafeja e ftohtë është konsideruar shpesh më pak acide se kafeja e nxehtë krijoj dhe për këtë arsye bie butë në stomak. Por, në studimin e ri, nivelet e pH-së të mostrave të kafesë të nxehtë dhe të ftohtë ranë në një rang prej 4.85 në 5.13.
Por mos u bëni merak, edhe e ftohta vlen për ju. Pija e juaj e preferuar ende ka antioksidantë, si dhe polifenole dhe minerale të tjera që nxisin shëndetin dhe metabolizmin. Shumë njerëz gjejnë shijen tek kafeja e ftohtë, kështu që ju do të jeni më pak të tunduar ta ngarkoni me yndyrë ose me kalori në formë kremi, qumështi apo sheqeri.