Nëse doktori ju sugjeron një dietë me kolesterol të ulët për shëndetin e zemrës, ju me shumë mundësi do të rrisni konsumin e frutave, perimeve dhe ushqimeve të tjera me bazë bimore, të cilat nuk përmbajnë kolesterol .
Në të njëjtën kohë, reduktoni konsumimin e produkteve me bazë shtazore, si mishërat, vezët e plota dhe bulmeti, që mund të jenë të larta në kolesterol ose zgjidhni si opsione versione të kolesterolit të ulët.
Njerëzit me kolesterol të lartë në gjak duhet të limitojnë marrjen e kolesterolit deri në 200 miligramë në ditë. Konsideroni të ndiqni një dietë me kolesterol të ulët për një periudhë më afatgjatë, sesa thjesht 7 ditë.
Opsione për mëngjesin
Ju keni një shumëllojshmëri opsionesh për mëngjes për javën tuaj me kolesterol të ulët, edhe nëse jeni mësuar të hani vezë.
Për disa ditë, provoni një omëletë me perime të skuqura dhe të bardha vezësh, të cilat nuk përmbajnë kolesterol. Shtoni 30 gr djathë për 30 miligramë kolesterol.
Tërshëra nuk përmban kolesterol, dhe mund ta kombinoni me ushqime të tjera si arrat, boronicat, soja dhe qumështi i bajames. Një kupë gjizë ka vetëm 10 miligramë kolesterol dietik dhe është i mirë me fruta si ananasi dhe manaferrat.
Plane për drekën
Hani një sallatë për drekë që të mbani nivelet e kolesterolit të ulëta. Një ose dy ditë, hidhni sipër zarzavateve tuna të konservuar, 100 gr përmbajnë rreth 30 miligramë kolesterol.
Fasulet dhe ushqimet e sojës si tofu nuk përmbajnë kolesterol, kështu që mund t’i shtoni në perime për proteina dhe fibra.
Opsione të alternuara të drekës përfshijnë hummus (lloj salce) me perime dhe pite ose fasule të zeza me hamburger me qiqra. Një kupë me kos me yndyrë të ulët, i cili ju furnizon me rreth 10 miligramë kolesterol, është një drekë e shpejtë dhe e lehtë në ditët që jeni me nxitim.
Ide për darkën
Nëse doni një proteinë shtazore në darkën tuaj, atëherë provoni peshkun disa herë në javë për shifra të ulëta kolesteroli dhe për të mbajtur porcionet nën kontroll.
100 gr merluc ose salmon përmbajnë 41 gr dhe 63 miligramë kolesterol, respektivisht. Mbusheni pjatën me perime të ziera ose sallatë jeshile, ose në një ditë tjetër provoni patate të ziera me erëza dhe një lugë gjelle djathë parmixhan, i cili ka 4 miligramë kolesterol.
Përgjatë javës, mundohuni që të mos konsumoni mish: Provoni të gatuani një supë me fasule ose perime të skuqura me tofu.
Vakte të ndërmjetme
Arrat janë mbushëse dhe të paketuara pa kolesterol. Thjesht sepse ato kanë mungesë kolesteroli, nuk do të thotë që ju duhet t’i hani ato me tepricë; arrat janë të pasura me yndyrë,
kështu që porcionet mbajini sa më të vogla. Ju mund të konsumoni lloje të ndryshme arrash cdo ditë, në mënyrë që të keni alternime në shije përgjatë javës.
Frutat e freskëta janë vakte të ndërmjetme që përmbajnë lëndë ushqyese dhe jo kolesterol; shtoni 1 lugë gjelle gjalpë arre për ta bërë mollën ose dardhën, një vakt më ngopës.
Kokoshkat janë një tjetër zgjedhje e mirë, por kujdes me gjalpin , pasi shton kolesterol. Mund të shtoni gjithashtu kanellë pasi iu jep kokoshkave një shije të ëmbël .