Perimet me gjethe jeshile
Perimet me gjethe jeshile janë të pasura me përbërje beneficiale që përfshijnë antioksidantët, lëndët ushqyese që mbështesin detoksifikimin e shëndetshëm, fibrat që mbështesin tretjen dhe hekurin për nivele të shëndetshme të energjisë. E rëndësishme është dhe prania e folatit. Folati është një vitaminë me të cilën jemi familjarë pasi është tejet i rëndësishëm në parandalimin e defekteve të tubave neural, por kur i hedhim një sy më të detajuar rolit që folati ka në mbështetjen e ADN-së, te humori, detoksifikimi dhe zhvillimin, tregon që duhet ta konsumojmë në sasi të mjaftueshme. Shumë drithëra të përpunuara janë të fortifikuara me acid folik (forma sintetike e folatit), megjithatë trupi juaj nuk e përdor këtë formë njësoj sic përdor formën natyrale, pra është një ide shumë e mirë të konsumoni burime natyrale që gjithashtu sigurojnë shumë përbërje të tjera me efekte beneficiale.
–Ushqimet e pasura me prebiotikë
Një sistem imunitar i shëndetshëm dhe i balancuar ka treguar se është i rëndësishëm për të mbështetur fertilitetin.Inflamacioni afatgjatë gjithashtu lidhet me reduktimin e fertilitetit, si dhe me mangësitë e lëndëve ushqyese. Ushqimet e pasura prebiotike (prsh thjerrëzat, zarzavatet, fruta të caktuara prsh mollët dhe bananet), promovojnë rritjen e bakterieve të mira brenda traktit tretës, të cilat mbështesin balancën imune, shëndetin e zorrëve dhe statusin nutricional ( zorrë e pashëndetshme=absorbim i dobët i lëndëve ushqyese).
–Burimet ushqimore të pasura me jod
Burime natyrale të jodit përfshijnë boronicat e kuqe, salmon, vezët, prodhime deti dhe kripa e jodizuar. Jodi luan një rol esencial në mbështetjen e funksionit të tiroides. Shumë njerëz e dinë që jodi luan një rol të rëndësishë në metabolizëm, por një fakt më pak i njohur është që ka një lidhje të ngushtë me përbërjet kimike në trup, ato që janë të përfshira në zhvillimin e trurit, humorit apo hormoneve. Faktorët e tjerë që mund të ndërhyjnë në funksionin e tiroides së shëndetshme përfshijnë konsumin e ulët të selenit (kështu që konsumoni sasi të shëndetshme të ushqimeve të pasura me këtë mineral gjurmë si arrat e papërpunuara (arra Brazili, fara, peshk, tuna, pulë, vezë, spinaq)
–Proteinat shtazore (vezët , mishi i butë) për B12 dhe kolinë
Proteina siguron amino-acidet esenciale që trupi përdor për të krijuar proteinat e veta funksionuese. Kjo përfshin muskujt, lëkurën, flokët dhe enzimat që lejojnë reaksionet kimike që të ndodhin dhe përbërjet antioksiduese/detoksifikuese. Mishi, peshku dhe vezët janë burime të mrekullueshme proteinash, ndërkohë që gjithashtu ju sigurojnë lëndë ushqyese esenciale, vitaminë B12. Vitamina B12 është esenciale në mbështetjen e folatit për të bërë punën e tij, ndërkohë që mbështet funksionin e sistemit nervor dhe të niveleve të energjisë. Nëse jeni vegjetarian, merrni në konsideratë marrjen e suplementëve.
–Ushqimet e pasura me antioksidantë
Frutat dhe perimet me ngjyrë të thellë e të shndritshme janë të pasura me një sërë përbërjesh fito-kimike që sigurojnë benefite antioksiduese dhe anti-inflamatore dhe gjithashtu mbështesin detoksifikimin normal dhe të shëndetshëm. Këto benefite ndikojnë që trupi juaj të funksionojë si duhet kështu që hormonet kanë një shans më shumë për të qenë të balancuara, ndërkohë që toksiciteti (si pasojë e ekspozimit toksik të kombinuar me detoksifikimin disfunksional) mund të ndikojnë në mënyrë negative në organet që prodhojnë hormone).
–Shmangni kafeinën dhe alkoolin e tepërt
Alkooli jo vetëm që ndikon në mëlcinë tuaj por gjithashtu kontribuon në inflamacion dhe në balancën jo të rregullt hormonale, por gjithashtu mund të cojë në mungesën e lëndëve ushqyese që ndikon në fertilitet (si te femrat dhe meshkujt). Eshtë më mirë që gjatë javës të mos konsumoni fare alkool. Konsumi i kafeinës së tepërt gjithashtu mund të shkaktojë stres dhe të rezultojë në balancë jo të rregullt hormonale. Gjithashtu si alternativë keni dhe çajërat herbalë natyralë që ushqejnë trup (prsh caji i bardhë është i pasur me antioksidantë, xhinxher anti-inflamator, dhe kamomil qetësues).