Ushqyerja e shëndetshme është një aspekt kyç për menaxhimin e diabetit dhe për ju mund të jetë goxha e vështirë për të zgjedhur ushqimet e duhura për të menaxhuar sheqerin në gjak.
Më poshtë do të gjeni një plan ushqimor 3-ditor që do t’jua bëjë më të lehtë të ndiqni një dietë diabetike.
Në këtë plan do të gjeni një kombinim të ushqimeve që kanë përmbajtje të lartë të lëndëve ushqyese duke përfshirë karbohidratet komplekse të pasura me fibra, si frutat e freskëta dhe perimet, burimet e buta proteinike, yndyrnat e shëndetshme dhe bulmeti.
Ky plan limiton sasinë e ushqimeve me karbohidrate të rafinuara (si buka e bardhë, orizi i bardhë dhe sheqeri) si dhe yndyrnat e ngopura, të cilat mund të kenë një impakt negativ në shëndetin tuaj nëse konsumohen në sasi të shumta.
Karbohidratet janë të balancuara përgjatë ditës por mund edhe të ndërroni ushqimet me të tjera që kanë po të njëjtat kalori dhe karbohidrate.
Të ushqeheni edhe pse jeni me diabet nuk ka pse të jetë e komplikuar. Duke kombinuar një shumëllojshmëri ushqimesh, si në këtë plan ushqimor, është një qasje e shëndetshme dhe e qëndrueshme në menaxhimin e diabetit.
Dita e parë
Mëngjesi (298 kalori, 23 gr karbohidrate)
-1 kupë kos natyral
-1/2 e kupës boronica
-1 ½ e lugës së gjellës arra të copëtuara
-2 lugë çaji mjaltë
Sipër kosit hidhni boronica, arra dhe mjaltë.
Vakt i ndërmjetëm (51 kalori, 13 gr karbohidrate)
-6 kajsi të thara
Shënim: Kur blini fruta të thara, lexoni listën e përbërësve për të shmangur ndonjë me sheqerna të shtuara.
Dreka (333 kalori, 39 gr karbohidrate)
Mish gjel deti dhe djathë
-1 lugë caji mustardë Dijon
-1 fetë bukë me grurë të plotë
-2 feta të holla mish gjel deti (60 gr)
-2 feta domate
-1 fetë djathë
Lyejeni bukën me mustardë dhe në të vendosni mish gjel deti, domate dhe djathë. Thekeni bukën derisa djathi të fillojë të shkrijë.
-1 mollë mesatare
Vakt i ndërmjetëm (62 kalori, 15 gr karbohidrate)
-1 portokall mesatar
Darka (491 kalori, 42 gr karbohidrate)
Karkaleca dhe fasule të zeza pikante
-150 gr karkaleca të gatuar në 1 lugë caji vaj ulliri me pak kripë dhe piper
-1 kupë perimesh sipas zgjedhjes suaj (provoni specat dhe qepët) të gatuar në 1 ½ e lugës së cajit vaj ulliri me pak kripë dhe piper
-2/3 e kupës me fasule të zeza të gatuara me pak piper të kuq
-1/4 e kupës salcë
-1/4 e një avokadoje mesatare
Hidhini pak selino dhe limë për shije ekstra.
Dita e dytë
Mëngjesi (295 kalori, 32 gr karbohidrate)
Tost me vezë dhe avokado
-1 fetë bukë të thekur
-1/4 e avokados së shtypur
-1 vezë e madhe e gatuar me ¼ e lugës së çajit vaj ulliri
Sipër tostit vendosni avokadon e shtypur dhe vezën dhe sipër saj hidhni pak kripë e piper.
-3/4 e kupës me boronica
Vakt i ndërmjetëm (95 kalori, 25 gr karbohidrate)
– 1 mollë mesatare
Dreka (335 kalori, 47 gr karbohidrate)
Sallatë jeshile me fasule të zeza dhe perime
-2 kupa zarzavate të përziera
-1/2 e kupës fasule të zeza
-1/2 e domates mesatare, të prerë në copa
-1/2 e kupës me feta kastraveci
-1/2 e një speci mesatar, të prerë
Kombinoni përbërësit dhe sipër hidhini 1 lugë gjelle vaj ulliri, 2 lugë gjelle lëng lime dhe pak kripë e piper. Hidhini pak majdanoz të freskët nëse dëshironi.
-1 portokall mesatar
Vakt i ndërmjetëm (50 kalori, 12 gr karbohidrate)
-2 karrota mesatare
Darka (425 kalori, 42 gr karbohidrate)
-1 racion speca të mbushur me xhinxher dhe tofu
-1 kupë me brokoli të pjekur ku sipër mund t’i hidhni 1 ½ e lugës së cajit vaj susami me pak kripë dhe piper.
Dita e tretë
Mëngjesi (263 kalori, 36 gr karbohidrate)
Tërshërë me fruta dhe arra
-1/2 e kupës tërshërës, të gatuar në ½ e kupës qumësht dhe ujë
-1/4 e kupës kos
-1/4 e kupës boronica
-1 lugë gjelle arra të copëtuara
Gatuajeni tërshërën dhe sipër hidhini boronica dhe arra.
Vakt i ndërmjetëm (101 kalori, 27 gramë karbohidrate)
-1 dardhë mesatare
Dreka (336 kalori, 37 gr karbohidrate)
Tost me domate dhe djathë
-1 fetë bukë me grurë të plotë
-1/4 e avokados, e shtypur
-1/2 e një domateje mesatare, të prerë në feta
-1 fetë djathë
Sipër bukës vendosni avokado, domate dhe djathë, dhe thekeni derisa djathi të fillojë të shkrijë. Hidhini 1 lugë gjelle uthull balsamike dhe pak piper.
-1 portokall mesatar
Vakt i ndërmjetëm (75 kalori, 18 gr karbohidrate)
-3 karrota mesatare
Darka (441 kalori, 51 gr karbohidrate)
-1 racion salcice dhe kunguj të mbushur me quinoa
-1 kupë zarzavate jeshile me 1 lugë caji vaj ulliri dhe uthull të verës së kuqe
-1 mollë mesatare, të prera në feta ; sipër i hidhet pak kanellë
Shënim: Ky plan ushqimor është i kontrolluar për kalori, proteina, folat, fibra, hekur, kalcium dhe kripë. Nëse jeni të shqetësuar për ndonjë ushqyes në vecanti, flisni me doktorin ose dietologen tuaj për të alternuar këtë plan ushqimor që t’i përshtatet më së miri nevojave tuaja.