Të maturit e homocisteinës tuaj

Të maturit e homocisteinës tuaj

Shkeputur nga libri “Jeto shendetshem” Anila Kalleshi
Niveli juaj i homocisteinës është shumë i lehtë për t’u matur në shtëpi. Homocisteina matet në mmol/l. Ne më përpara mendonim se niveli më i lartë ishte 15 njësi mmol/l. Kjo është sasia që rrit rrezikun e atakut të zemrës dhe dyfishon rrezikun e Alzheimer. Gjithsesi, tani, nivelet më të ulëta sesa 7 njësi janë të lidhura me rritjen e sëmundjes. Në mënyrë bazike, nuk ekziston asnjë garanci që dieta dhe suplementet që ju jeni duke përdorur janë duke e mbajtur larg homocysteinën. Mbi 30 përqind e njerëzve me një histori të sëmundjes së zemrës kanë një nivel homocisteine mbi 10. Gjithsesi, ekspertët besojnë që një nivel nën 6 njësi është ideale. Nëse ju keni ndonjë nga faktorët e rrezikut më poshtë, është e rëndësishme që të testoheni.
Faktorët e rrezikut të homocisteinës së lartë
Këto përfshijnë:
· Trashëgiminë gjenetike, që nënkupton historinë familjare të sëmundjes së zemrës, atakut, kancerit, sëmundjes Alzheimer, skizofrenisë, diabetin.
· Konsumimit folate në më pak se 900 mcg/në ditë.
· Rritjes së moshës.
· Seksit mashkull
· Mungesës së estrogjenit.
· Tepricës alkoolike, kafesë dhe cajit.
· Duhanit.
· Mungesës së të ushtruarit.
· Sëmundjes inflamatore të zorrëve.
· Shtatëzanisë.
· Të qënit një vegjetarian ose vegan strikt.
· Dietës së lartë në yndyrna, me shumë mish të kuq, rritjes së konsumimit të bulmetit.
· Rritjes së sasisë së konsumimit të kripërave.
Zvogëlimi i homocisteinës tuaj
Lajmi i mire është që, sido që të jetë niveli juaj i homocisteinës, ju mund t’a zvogëloni atë me kombinimin e duhur të ushqyesve dhe ndryshimeve dietike, bashkë me ndryshimet jetësore që janë përcaktuar për të reduktuar rrezikun. Ndiqni Faktorin Homocisteinë të Dietës më poshtë.
Faktori Homocisteinë i Dietës
KONSUMONI SA MË PAK MISH ME YNDYRË DHE MË SHUMË MISH DHE PROTEINA ZARZAVATESH
Mos hani më shumë se katër vakte mishi pa yndyrë në javë. Hani peshk (por jo të skuqur) të paktën tre herë në javë; dhe nëse nuk jeni alergjik ose intolerant, një vakt ushqimi me bazë soje, siç është tofu ose fasule. Peshku është mirë që të jenë në furrë ose të gatuhet në avull. Në këtë mënyrë edhe vlerat ushqyese të peshkut i ruani edhe më mirë. Në të njëjtën kohë, atë mund ta shoqëroni edhe me sasi zarzavatesh, ku mund të vendosen bashkë me atë në tavë ndërkohë që e vendosni në furrë.
HANI ZARZAVATE JESHILE
Konsumoni të paktën 5 vakte të vogla zarzavate dhe fruta në ditë. Kjo nënkupton ngrënien e dy vakteve fruta dhe tre vakteve zarzavate. Alternojeni çdo ditë zgjedhjen tuaj. Me zarzavate kuptohen shumë prej tyre, por sidomos zarzavatet jeshile janë shumë të dobishme për organizmin. Mbani mënd, në lidhje me frutat, një mollë në ditë e mban doktorin larg sëmundjeve. Sigurohuni që gjysma e asaj që keni në pjatë në çdo ushqim të përmbajë zarzavate.
HANI GJYSËM HUDHRE NË DITË
Ose konsumoni gjysëm hudhre në ditë ose merrni një suplement hudhre në ditë. Por, përpara se të filloni që ta konsumoni atë, duhet të keni njohuri për tensionin tuaj. Konsultohuni më parë edhe me një mjek.
MOS SHTONI KRIPË NË USHQIMET TUAJA
Mos hidhni kripë kur ju gatuani ose në ushqimin në pjatën tuaj. Të vetmen kripë që unë e quaj të shëndetshme është kripa që ka gjysmën e sodiumit të kripës normale dhe shumë potassium dhe magnez. Përdoreni këtë në mënyrë të moderuar.
NDËRPRISNI KAFENËN DHE ÇAJIN
Mos pini më shumë se një filxhan kafe me kafeinë ose pa kafeinë, ose dy filxhan caj në ditë. Kafetë ose çajrat e tepërt stimulojnë më shumë organizmin tuaj dhe shpeshherë e dërgojnë në një gjendje moskontrolli. Ankth, shtim të stresit, mungesë përqëndrimi etj. Shmangni sasinë e tepërt të tyre. Përveç kësaj, në lidhje me çajrat zgjidhni çajëra bimor.
KUFIZONI ALKOOLIN
Reduktoni konsumimin e alkoolit në një gotë verë të kuqe në ditë, një gotë birrë. Në mënyrë ideale, konsumimi i verës duhet të jetë 4 gota verë në javë.Është më mirë që të konsumoni verë sesa pije alkoolike të tjera.
REDUKTONI STRESIN
Nëse jeni nën një stres, ose e gjeni veten që reagoni në mënyrë stresuese në shumicën e kohës, merrni një vendim për të reduktuar stresin duke ndryshuar rrethanat që stresojnë sjelljen tuaj. Shtesa të veçanta të jetës tuaj, sic është joga, meditimi dhe/ose të ushtruarit ose takimi më një këshillues, mund të sjellin ndryshime. Shpeshherë, njerëzit mësohen me situatën e stresit, dhe e kanë shumë të vështirë që ta shmangin atë. Kuptoni se cilët janë shkaktarët e stresit tuaj dhe shmangini. Një jetë stresuese shkakton shumë pasoja.
NDALONI KONSUMIMIN E DUHANIT
Nëse pini duhan, merrni një vendim dhe lijeni atë, kërkoni ndihmë për ta bërë këtë. Nuk ekziston asnjë nivel i sigurt i duhanit për aq kohë sa homocisteina dhe shëndeti juaj është në rrezik. Duhani nuk është asgjë tjetër sesa një vrasje e ngadaltë. Sa më shpejt ta lini atë aq më gjatë do të jetoni.
RREGULLONI MUNGESËN E ESTROGJENIT
Nëse jeni postmenopauzës ose keni simptoma të menopauzës dhe çrregullime të tjera menstruale, kontrolloni nivelet tuaja të estrogjenit dhe progesteronit me testin e homornit saliva. Nëse keni mungesë të estrogjenit ose progesteronit, ju mund t’a korrigjoni këtë me një “progesteron natyral”. Progesterone natyral nuk ka asnjë nga rreziqet e lidhura me HRT-në dhe trupi juaj mund të bëjë vetë estrogjenin nëpërmjet progesteronit.
MERRNI CDO DITE SUPLEMENTE MULTIVITAMINASH TË RRITJES SË FORCËS
Merrni multivitamina të fuqisë së lartë dhe suplemente mineralesh që ju sigurojnë të paktën 25 mg të vitaminave kryesore B, 200 mcg folate, dhe 10 mcg të çdo vitamine B12 dhe B6, plus A, D dhe E, dhe mineraleve magnez, selenium, krom dhe zink. Gjithashtu suplemente të 1gr vitaminë C për shëndetin e përgjithshëm, ashtu sikundër edhe ushqyes të ulët të homocysteinës.
error: Nuk lejohet kopjimi!