Proteinat në trupin tonë luajne nje rol shume te rendesishem. Proteinat jane te nevojshme për të ndërtuar dhe riparuar muskujt, indet, gjakun, kërcet, kockat dhe lëkurën, për prodhimin e hormoneve dhe kimikateve që rregullojnë një sërë procesesh trupore. Pa sasinë e mjaftueshme të proteinave në dietën tonë, është shumë e vështirë të jemi të shëndetshëm. Shumë persona vegjetarianë që mbajnë dieta të forta kufizuese, vuajnë nga simptoma të ndryshme të mungesës së proteinave. Duke konsumuar ushqime që përmbajnë pak ose aspak proteina, trupi nuk ka zgjidhje tjetër përveç se të shfrytëzojë proteinat e tij, duke shkaktuar ‘tretjen’ e indeve ku ruhen proteinat, si në muskuj.
Burimet proteinike më të mira që vijnë nga frutat dhe perimet
1.Spinaqi
Popei ka bërë zgjedhjen e duhur, duke marrë parasysh që kjo perime jo vetëm që është plot me antioksidantë por gjithashtu plot me proteina. 1 kupë me spinaq të gatuar përmban 5 gr proteina. Duke zierë këtë perime do të ndihmojë që të mbajë të gjithë kalciumin e e rëndësishëm, kështu që jo gjithmonë duhet patjetër ta hani të pagatuar.
2. Lulelakra
Një perime e pasur me antioksidantë, përmban rreth 3 gr proteina për porcion. E pasur me një dozë të shëndetshme të vitaminës K, është ushqyese dhe gjithashtu anti-inflamatore, pasi mbështet shumë funksione të trupit. Eshtë e pasur ne fibra dhe ndihmon në sistemin tretës.
3. Bizelet
Një kupë me bizele përmban rreth 8 gr proteina. Për shkak të përmbajtjes së lartë të vitaminës C, mund të mbrojë sistemin tuaj imunitar. Ka një sërë mënyrash si mund të shtoni bizelet në dietën tuaj.
4. Brokoli
Brokoli është një perime që ka sasi të ulët të yndyrnave dhe sasi të larta proteinash, duke marrë parasysh që ½ e kupës së brokolit siguron rreth 2 gr proteina. Gjithashtu përmban ushqyesit esencialë si vitamina A, vitamina B, vitamina C, hekuri, etj. Kështu që kurrë nuk duhet t’i thoni jo një recete që ka brokoli në të.
5. Banane
Bananet janë plot me kalium, magnez dhe fibër dhe duhet të konsumohet sidomos nga ata që vuajnë nga kapsllëku. Në 100 gr ka rreth 4 gr proteina.
Burimet më të mira proteinike nga burimet shtazore
1. Mishi
Mishi është një nga burimet më të pasura proteinike. Mishi i bardhë duhet të zgjidhet mbi mishin e kuq sepse është më i shëndetshëm. Përmbajtja proteinike e 4 ounce pulë është rreth 32 gram, dhe gjithashtu përmba kolesterol dhe yndyrë të ulët. Mund ta shtoni lehtësisht në dietën tuaj pasi ka një sërë mënyrash.
2. Mishi i kuq
Përmbajtja proteinike e mishit të kuq është shumë e lartë. Mishi i kuq gjithashtu ka dhe disa sasi yndyrnash, të cilat nuk janë të mira për shëndetin tuaj pasi rrit nivelet e kolesterolit dhe triglicerideve.
3. Peshku
Peshku është i shijshëm dhe një burim i mirë i acidëve yndyrorë omega-3, vitaminave dhe mineraleve. Acidet yndyrore omega-3 kanë një sërë benefitesh duke përfshirë kontrollin e presionit të gjakut, shëndetin e zemrës, parandalimin e artritit e shumë të tjera.
4. Vezët
Vezët janë mënyra më e thjeshtë për të marrë sasinë e nevojshme të proteinave. Janë plot me amino-acidë, hekur dhe antioksidantë. Një vezë përmban 7 gr protein. Kështu që sigurohuni që t’ja shtoni dietës suaj.
5. Bulmeti
Produktet e bulmetit të cilat përfshijnë qumësht, kos, krem dhe djathë janë një burim i shkëlqyer proteinash. Dhe nuk është vetëm në sajë të përmbajtjes proteinike, por gjithashtu sigurojnë trupit dhe mineralet esenciale që nevojiten. Qumështi i plotë dhe i nxjerrë nga kafshët e ushqyera me bar, është shumë ushqyes dhe thuhet se përmban nivele të larta të acideve yndyrore omega-3. Qumështi përmban 8 gramë proteina për 110 kalori. Një gjysëm kupe gjizë përmban rreth 16 gr proteina.. Mbani mend, ju duhen yndyrna të shëndetshme që të ndihmojnë në asimilimin e vitaminave dhe mineraleve. Pa qumështin e plotë me yndyrë dhe produktet e qumështit, nuk do të jeni të aftë të merrni përfitimet që bulmeti sjell.
Shenja paralajmëruese që tregojne se ju keni mungese proteinash:
Faqe të ënjtura
Kjo nuk është shkaktuar nga yndyra e tepërt siç mund të dyshoni, por nga inflamacioni i gjendrave të pështymës. Kjo gjendje zakonisht ndodh nëse ka një çekuilibër të vazhdueshëm të proteinave e karbohidrateve tek ju.
Sy të ënjtur
Edema është shkaktare e syve të ënjtur, një gjendje në të cilën lëngu i tepërt mblidhet në inde. Kjo ndodh sepse proteinat janë një nga përbërësit që rregullojnë ekuilibrin e lëngjeve në trupin tuaj.
Duar të fryra
Edhe kjo gjë ka të bëjë me mbledhjen e ujit në inde, e njohur në botën mjekësore si edemë. Ekziston një shumëllojshmëri gjendjesh shëndetësore që çojnë në edemë dhe një prej tyre është mungesa e proteinave.
Flokët e dobët
Kjo gjendje mund të ketë disa shkaktarë. Një prej tyre është të mos kesh një dietë mjaftueshëm të pasur me proteina. Kjo nuk duhet t’ju vijë si surprizë, pasi e dini që flokët kryesisht përbëhen nga proteina.
Tharje e tepërt e lëkurës
Mosmarrja e mjaftueshme e proteinave mund të shkaktojë tharje të lëkurës dhe zona të skuqura. Mungesa e proteinave ju bën më të ndjeshëm ndaj djegieve nga dielli gjithashtu.
Përgjumje ose mjegull truri
Energjia dhe funksionet tuaja konjitive ndikohen gjithashtu kur ulet niveli i proteinave. Siç e përmendëm më herët, proteinat janë jetike për prodhimin normal të hormoneve, shkruan living. Disa nga këto hormone kanë lidhje me stresin , prodhimin e energjisë dhe vigjilencën mendore.
Për të shmangur këto probleme është e rëndësishme të merrni mjaftueshëm proteina gjatë ditës. Ka një formulë të thjeshtë për të llogaritur sa proteina duhet të konsumojmë çdo ditë: pesha juaj në kg/2 eshte sasia e nevojshme e proteinave në gramë.